Неба і зямля радасна спявяюць

Неба і зямля радасна спяваюць.
Анёлы свету дзіва абвяшчаюць. 

Анёлы ведалі,  што абвяшчалі. Хрыстовае нараджэнне стала пачаткам якасна новай эры на зямлі, для ўсіх народаў. Толькі гэта новае прыйшло на зямлю ў тую ноч маленькім дзіцёнкам, слабым і безабаронным. І ніхто дакладна не зразумеў, што адбылося. Толькі цар-ўладар той зямлі надта спужаўся за свой трон ды паслаў сваіх салдат забіць немаўля. Шмат ліха нарабілі салдаты, шмат слёзаў было. Але ці можна было знішчыць наканаванае Богам? Які б жудасны супраціў не аказвала ліха на шляху Божага святла да людзей яно адолее. Бо навам маленькае Божае мацнее за самае вялікае з боку ліха.

Хрыстос нарадзіўся дзеля перамогі. І Ён яе здзейсніў, ніякі цар-ўладар не змог перашкодзіць. Але спачатку быў святы вечар, было здзіўленне пастухоў, калі яны ўбачылі анёльскі спеў, было здзіўленне Марыі, калі да яе сына прыйшлі мудрацы з багатымі дарамі, было даручэнне Іосіфу аберагчы немаўля і маці Яго. Іосіф здолеў. І нам таго ж зычу. Хай прыдзе ў жыццё новае, светлае і моцнае і каб кожны здолеў гэта захаваць дзеля ўласнай перамогі над ліхам а ўсіх жыццёвых сферах. Са святам Раства Хрыстова!

 
Песня з альбома Вальжыны Цярэшчанкі "Хтось крануўся крылаў".