Monday, February 21, 2011

Дзень роднай мовы, аднака ж

сл. М. Багдановіч, муз. Мікалай Шчаглоў-Куліковіч, выкананне - людзі з усяго свету. =)

Пагоня

Толькi ў сэрцы трывожным пачую
За краiну радзiмую жах -
Ўспомню Вострую Браму сьвятую
I ваякаў на грозных канях.

Ў белай пене праносяцца конi,
Рвуцца, мкнуцца i цяжка хрыпяць...
Старадаўняй Лiтоўскай Пагонi
Не разьбiць, не спынiць, не стрымаць.

У бязьмерную даль вы ляцiце,
А за вамi, прад вамi - гады.
Вы за кiм у пагоню сьпяшыце?
Дзе шляхi вашы йдуць i куды?

Мо яны, Беларусь, панясьлiся
За тваiмi дзяцьмi ўздагон,
Што забылi цябе, адраклiся,
Прадалi i аддалi ў палон?

Бiце ў сэрцы iх - бiце мячамi,
Не давайце чужынцамi быць!
Хай пачуюць, як сэрца начамi
Аб радзiмай старонцы балiць...

Мацi родная, Мацi-Краiна!
Ня ўсьцiшыцца гэтакi боль...
Ты прабач, Ты прымi свайго сына,
За Цябе яму ўмерцi дазволь!..

Ўсё лятуць i лятуць тыя конi,
Срэбнай збруяй далёка грымяць...
Старадаўняй Лiтоўскай Пагонi
Не разьбiць, не спынiць, не стрымаць.

7 comments:

  1. Сёння ранiццай да мяне на працу завiтала знаёмая, ну, кажа: "размауляй са мной на беларускай мове i пытаецца а як жаж будзе =туалетная бумага=папера для уборнай?"
    На гэтым уся наша размова завершылася...не ведаем мы сваёй мовы!

    ReplyDelete
  2. можна сказаць "туалетная папера", яшчэ на туалет кажуць "прыбіральня"..)
    тут справа не ў тым ведаем ці не.. галоўнае жадаем ведаць ці не!

    ReplyDelete
  3. интересный ролик получился, особенно там где поют на бел мове, неплохо у них получается!!!

    ReplyDelete
  4. ага, прикольно праспявали :)

    ReplyDelete
  5. Зьвяртае ўвагу той факт, што матэрыялы на тэму беларускай мовы ў
    сеціве цікавяць, пераважна, рускамоўных наведнікаў. Яны ж актыўна
    пакідаюць свае каментары.Гэта і зьдзіўляе і радуе і выклікае пытаньні.
    Гэта што? Покліч крыві? Голас генаў? Калі так,то ў беларускай нацыі
    добрая будучыня.
    _______________________________________________
    Кожны мае права быць нікім.

    ReplyDelete
  6. alina-flower -- ...Не ведаем мы сваёй мовы!"
    ___________________________________________
    Не мерайце ўсіх па сабе. Я - ведаю. І мне Вас шчыра шкада.
    Колькі моваў ведаеш, столькі разоў ты чалавек.

    ReplyDelete
  7. Юрась, гэта вельмі добра, што Вы ведаеце, а яшчэ лепш калі гэта свядомае веданне, т.б. веданне + карыстанне мовай. Аднак, я разумею, што Аліна мела на ўвазе. Я таксама жыву ў асяродку дзе беларуская мова займае ніякае месца.

    Хочацца верыць, што ў беларускай мовы ёсць будучыня, добрая будучыня..))

    ReplyDelete